फ्राइडे रिलिजमा पुरानै फिल्म

१५ जेष्ठ २०७२, काठमाण्डौ । 

गत बैशाख १२ गतेको विनासकारी भूकम्पका कारण बन्द रहेका राजधानीका सिनेमा घर खुल्न थाले संगै भूकम्प पिडितका लागि पुराना फिल्म प्रदर्शन हुन थालेका छन् ।यो साताको फ्राइडे रिलिजमा देशै भर भूकम्प पिडितका लागि सहयोगार्थ भन्दै चलचित्र ‘छ एकान छ’ पुन:प्रदर्शनमा आएको छ । 

यो फिल्मको कलेक्शन बाट आएको शेयर रकम भूकम्प पिडितका लागि खर्च गरिने निर्माता दिपक राज गिरीको दाबि छ । दिनेश डिसी निर्देशित तथा कमेडी जनरामा निर्मित यस चलचित्रमा दिपक सहित केदार घिमिरे,सितारण कट्टेल,जितु नेपाल,शिवहरी पौडेल,सन्दिप सापकोटा र निता ढुंगाना मुख्य भूमिकामा छन् । फिल्मले यस अघि राम्रो ब्यापार गरे पनि अब राम्रो रकम संकलन गर्न सक्ने देखिदैन । उक्त फिल्म सामाजिक संजाल युटुबमा समेत आइसकेको छ । पुरानो फिल्म लगाएर सामाजिक कार्य गर्न निर्माता तथा गिरी लागिपरेका छन् । यद्दपी फिल्मले भूकम्प पिडितका लागि के गर्न सक्छ प्रतिक्षित बिषय बनेको छ ।