घरबाट निकालेको भन्दै सन्नीले धम्काइन् सेलिनालाई
केही
दिन अगाडि बलिउड नायिका सन्नी लियोनीलाई उनी बस्दै आएको फ्ल्याटबाट
निकालिएको खबर सार्वजनिक भएको थियो । यो खबर सार्वजनिक भएपछि सन्नीका पति
डेनियलले यसलाई खण्डन गरेका थिए । उनीहरु बलिउडकी अर्की नायिका सेलिना
जेट्लीको अपार्टमेन्टमा भाडामा बस्दै आएका थिए ।
तर, सेलिनाले सन्नी र उनका पतिलाई घरबाट निकालेको खबरलाई स्विकार गरेकी
छिन् । घरबाट निकालेपछि सन्नी र उनका पतिले आफूलाई धम्क्याएको सेलिनाको
आरोप छ । यसका लागि उनले उजुरी गर्ने तयारी गरेको पनि बताएकी छिन् ।
सन्नी र डेनियलले भारतमा पाएको अतिथी सत्कारलाई गलत तबरले प्रयोग गरेको
सेलिनाको भनाई छ । उनले सन्नी लियोनीलाई आफूले फ्ल्याट खाली गर्न भन्दा पनि
नमानेको बताइन् । जसका कारण केही दिन आफू परिवारसहित होटलमा बस्नु परेको
सेलिनाको भनाई छ ।
सन्नीलाई कसैले पनि कोठा नदिएको भन्दै उनले उनीहरुको समस्या वुझेर आफूले
फ्ल्याट दिएको बताइन् । सन्नीका पतिले सेलिनाका पतिलाई अश्लिल शब्द प्रयोग
गर्दै मेल पनि गरेका छन् । सन्नीले आफूलाई नसोधी घरमा सीसीटीभी पनि राखेको
उनले बताइन् ।
