‘ह्याप्पी बर्थ डे’ राजेश हमाल
नेपाली
चलचित्र क्षेत्रका चर्चित नायक राजेश हमाल आजबाट ५१ बर्षमा प्रवेश गरेका
छन् । हुनत, हमालले आफ्नो उमेर केही बर्ष लुकाएका हुन् भन्नेहरु पनि छन् ।
तर, हमाल जुन ९ अर्थात आजैका दिनबाट ५१ बर्षमा प्रवेश गरेका हुन् ।
नायक हमालले आज त्यस्तो कुनै कार्यक्रम नगर्ने सहयोगी रोशन हमालले
जानकारी दिएका छन् । उनका अनुसार, भुकम्पका कारण देश नै पीडामा रहेको समयमा
हमालले कुनै कार्यक्रम नगर्ने सोच बनाएका हुन् ।
तर, हमाल सामाजिक कार्यका लागि भने विभिन्न कार्यक्रममा सामेल हुने उनको
भनाई छ । चलचित्र ‘युगदेखि युगसम्म’बाट नेपाली चलचित्र क्षेत्रमा प्रवेश
गरेका राजेशले यसपछि एकछत्र राज गरिरहेका छन् । ३ सय भन्दा बढी चलचित्रमा
काम गरिसकेका हमालले गतबर्ष बिहे गरेपछि भने चलचित्र करिअरलाई केही सुस्त
बनाएका छन् ।
भुकम्पका कारण पुनः स्थापनामा व्यस्त हुने भएकाले पनि हमालले तत्काल
नयाा चलचित्र खेल्ने सोच बनाएका छैनन् । उनी कतारमा आयोजना हुने एक
कार्यक्रमका लागि भोली पत्नी मधुको साथमा त्यता जान लागेका छन् । चर्चित
नायक राजेश हमाललाई हाम्रो तर्फबाट, ह्याप्पी बर्थ डे ।
