निखिल उप्रेतीको ‘भैरब’ को ट्रेलर रिलिज

काठमाण्डौ ।

आफ्नै लगानी तथा निर्देशनमा फिल्म निर्माण गरि कमब्याक हुन लागेका अभिनेता निखिल उप्रेतीको फिल्म ‘भैरब’को ट्रेलर सार्बजनिक गरिएको छ । बिहिबार ‘भैरव’ को ट्रेलर सार्बजनिक गरिएको हो । ट्रेलरमा एक्सनलाई मुख्य प्राथमिकतामा प्रस्तुत गरिएको छ ।

सार्बजनिक उक्त ट्रेलरमा अभिनेता नायक निखिल उप्रेतीलाई फोकस गरिएको छ । केहि समय अघि सार्बजनिक गरिएको पोस्टर रुचाइएको थियो । यस्तै सार्बजनिक ट्रेलरले पनि दर्शक तान्न सक्ने देखिन्छ । फिल्मले नेपाल र भारतको सिमाना बिच हुने तस्करी र अन्य गैर कानुनी गतिविधिमा नेपाल प्रहरीको भूमिकाको कथालाई बोल्छ । एक्सन बिधामै ख्याती कमाएका निखिलको ‘भैरब’बाट पुन:एक्सन पावर फर्कला त ? केहि महिना प्रतीक्षा गरौ ।