पशुपति शर्माको ‘गाउँ निकाला’का कारण तनाव !
लोक गायक पशुपति शर्माको तीजको नयाँ गीत बजारमा आएको छ । हरेक बर्ष
सामाजिक विकृतिमाथि व्यंग्य गर्दै बिभिन्न बिषयबस्तुका गीत पस्कदै आएका
शर्माले यसपटक अन्तरजातिय बिवाह सम्बन्धि तीजे गीत निकालेका छन् । गीत बजारमा आउनसाथ यसको चर्को बिरोध भएको छ । बिषेशगरी बिभिन्न दलित संघ
संस्थाले यसको खुलेर बिरोध गरेका छन् । सरोकारवाला निकायसम्म उजुरी
दिनेदेखि गायक शर्मालाई व्यक्तिगतरुपमा गीतको भाव गतिलो भएन भन्ने बढेका
छन् ।
आशिष म्युजिकले बजार प्रवद्र्धन गरेको गाउँ निकाला नाममको गीत रेडियोमा
बजाउने नबजाउने बारे सामाजिक सञ्जालमा बहश सुरु भएको छ । फेसवुकमा उल्लेखित
गीतबारे बहश चल्न थालेको छ । दलित समुदायलाई होच्याउने खालको गीत भएको भन्दै दलित संघ संस्थाले
गीतबारे टिका टिप्पणी गरेका छन् । दलित सेवा संघ नामको संस्थाले एउटा
बिज्ञप्ति निकालेर गीतका संकलक तथा गायकलाई कारवाहीको माग गरेको छ ।
के को बाहुन के को जनजाति
जातका कुरा गर्नेहरु देशका लागि घाती
जातका कुरा गर्नेको दिमाग कहाँ छ ?
मेरा छोराले कमिनि ल्यायो
मेरी छोरी नि दमैसित गई,
मैले पनि गुरुङसेनी ल्याकै हो
हामी नेपाली हौं मलाई त्यत्ति थाहा छ
हाम्रो घरमा जातका कुरा हुन्न …….
गीतमा दलित समुदायलाई सिधै लक्षित गरिएकाले बिरोध भएको हो । तर गीतले सन्देश दिन खोजेको गायक तथा गीतका संकलक पशुपति शर्माले बताए ।
शर्माले भने ‘मैले कुनै जातजाति लाई होच्याउन खोजेको नभई समाजमा रहेको असमानता र बिकृतिको बिरोध गरको मात्रै हुँ ।’
