चितवनको क्रिष्टल टेलिभिजन सॅग कुरागर्दै राजनीतिक क्षेत्रमा सक्रिय रुपमा लागेका नायक विनय भट्टले राम्रो स्क्रिट भएकाले चलचित्र 'सम्बोधन' मा काम गरेको र आगामि दिनमा पनि राम्रो स्क्रिट भएको चलचित्रमा काम गर्ने बताएका छन्। सफल चलचित्र ‘होस्टल’ निर्देशन गरेका निर्देशक हेमराज बिसीले निर्देशन गरेको चलचित्र ‘सम्बोधन' को लागि नायक विनय भट्ट सगै चलचित्र अन्ने कलाकार पनि प्रोमोसनमा लागेका छन् । त्रिचन्द्र कलेजका स्ववियू सभापती,समेत रहेका नायक विनय भट्टले चलचित्र समग्र रुपमा राम्रो बनेकोले चलचित्रले दर्शकको मन जितने आशा लिएका छन् । सरोज न्यौपानेको प्रस्तुती रहेको यस चलचित्रमा विनय भट्ट दयाहाङ राई, नम्रता श्रेष्ठ, सुलेमान 'इकु' प्रशान्त ताम्रकार लगाएतका कलाकारले काम गरेका छन् । चलचित्रमा रामेश्वर कार्कीको छयांकन, सुरेन्द्र पौडेलको सम्पादन तथा जयन जे को सँगीत रहेको छ । चलचित्र भदौ ६ गतेबाट रिलिज हुदैछ ।
